今时今日,冇返几个名牌喺身又点出嚟行呀?嗱,应该好似呢位日本妹猪咁,连银包都用名牌之中嘅名牌-LV,咁咪讲句嘢都大声过人啰(好似係)……咩话?你竟然同我讲呢位日本妹猪最心爱嘅靓靓LV银包畀人髹到变成咁样样?呜哇,真係人间惨剧呀!

阿妹你做咩用marker帮我个LV银包填色呀!

原来佢个读紧小学嘅细妹因为同家姐嘈完谂住报仇,于是就用marker将家姐个LV银包上面嘅格仔填满颜色。不过大家知啦,逐格逐格咁上色又唔可以出界,咁样髹法好攰㗎嘛,所以佢个小学鸡细妹髹到最尾咪放弃咗啰。唉,你放弃都算啦,仲要喺上面写埋「髹到攰」……毛毛除咗恭喜之外都唔知讲咩好喇!

阿妹你做咩用marker帮我个LV银包填色呀!

between,呢位日本妹又唔可以怪得阿妹嘅,你个LV银包上面嘅格仔啲色咁淡,唔上返深色啲边够sharp醒啫?以毛毛9估,其实阿妹笨唔係报仇……係以德报怨就真,佢一心想帮你翻新个LV银包咋!55,一定係。

MEJKjPwtxqmV1VN/twitter