讲起买喼,毛毛都有少少心得嘅,咪就係有几平买几平啰!因为毛毛根本就买唔起贵喼……同埋买平喼嘅话,就算个喼花咗都冇咁肉赤呀嘛!而最近,有位台湾网民就听唔到毛毛嘅劝告,真係带咗个靓喼去旅行喎,所以……所以咪出事啰。

连喼王都撞到咁样样係点做到?

睇下~佢个喼寄完舱之后就变咗咁样样喇!话时话,传说中嘅喼王唔係好坚固好硬净㗎咩?做咩而家搞到咁嘅?唔讲毛毛真係以为个喼早过架飞机落地喎……

连喼王都撞到咁样样係点做到?

虽然呢位网民个喼畀人撞到好似中咗辐射咁,但呢位网民依然好乐观咁话,个喼而家变咗现代艺术雕塑行李喼,全球限量一个,咁咪好值得收藏啰~

连喼王都撞到咁样样係点做到?

又係嘅,而家个喼咁样样都几独一无二吖,拖住佢出街又唔会同人撞款,喺行李输送带度拎行李嗰阵又唔怕拎错咗人哋个喼喎!连哈姆太郎都话係啦,55。

Chien Peiyu/爆料公社